حبيبي ياعراق بأهلك انته باقي


    اجمل ابوذيه ( السلسلة الاولى )

    شاطر
    avatar
    Night Prince
    مشرف اداري
    مشرف اداري

    عدد الرسائل : 10
    تاريخ التسجيل : 17/07/2008

    اجمل ابوذيه ( السلسلة الاولى )

    مُساهمة من طرف Night Prince في 17/07/08, 06:52 pm

    هاي شباب و هلو صبايا
    اليوم جايبلكم ابوذيات اتخبل وانشاء الله يومية اكتبلكم ابوذيات
    وياريت من الي عنده ابوذيه حلوه يكتبهه


    حبيبي شلون عنده خدود وعيون
    وجرى دمعي عليه أنهار وعيون
    هلك خلو علي حراس وعيون
    وخلي شما يصير أيصير بيه ...

    • يربي لـو نخـاك العبـد عينـه
    سوده ومـا تحب الكحل عينـه
    رفع طرف العبايه وشفت عينـه
    شفت هلال ونجـوم وثريـه...

    • حلو اسمك وابوك اشلون .. سماك
    وحبيبك لو زعل وياك .. سماك
    اصيرن سمج وانت اليوم .. سماج
    امن اطيح ابشبكتك تعطف عليه

    • اريد أمشي بأراضي الشوگ وسعه
    على ام خصر النحيف وعيون وسعه
    يحفار الگـبر بلله عليك وسعه
    بلكي أتصير موتـتنه سويـه ...

    • حبيبي شــلون عنده عيون وحجاب
    رمتني ومايفيدني الحـــرز وحجاب
    الگمر من شاف خدچ غاب وحجب
    أستحه من نور خدچ يشع ضيه ...

    • اريد اخبط زميج الرمل .. والحر
    وادور عل صديج الوفي .. والحر
    نخيت اهل البيت و الحسنين .. والحر
    يحفظ كل اخو يذكر خويـــه

    • انا الما جفيتك ليش .. تجفيت
    وعلى گلبي المصايب عدل .. تجفيت
    هم يصح الهذا الگلب .. تجفيت
    اريد اسأل ابهاي الفيتريــــــه


    • تهزهز يا گبر وانفض .. ترابيك
    عزيز الروح هل نايم .. ترابيك
    اجاني العيد وعيوني .. ترابيك
    گوم ولا تشمت اعداي بيـــــه

    • بنيت ابيوت بالشعله .. وسومر
    ووجهي من التعب مولح .. وسومر
    الناس اتدخن اگريفن .. وسومر
    ونه التتنات ما طاحن بديــــه


    • حبيبي مانشد عني ولا سال
    ودمعي ماجرة لغيرك ولاسال
    ابية مرض معدي ولا سل
    بيك المرض يبو ذات الردية

    • عشكت بنص بحر نسوان وحده
    ومن عرفهه الكلب ذاب وحده
    انا ليلي من وراها انكضا وحده
    وبس هي الترد الروح ليه

    • جفاني الجان لكليبي يسارة
    وصرت ما اعرف يمينه من يسارة
    ابد ما جوز من عندج يسارة
    عيونج سحر بيهن جاذبيه

    • اظل الهج واصيح النوب بسمه
    وانا جالطير واكف فوك بسمه
    حلوة وتنحب وبنت القسم بسمه
    يحفظج الله من عين البريه

    • حبك بالكلب موجود منشال
    سلب متي العكل واني اصبحت منشال
    اخذ ثلث العمر وياه منشال
    واخذ الثلثين يوم الرد عليه

    • بعد ماذكرك بحالي وشعرك
    سواد الليل ويه نجوم شعرك
    اريد اكعد واريد اسمع واشعرك
    واريد هسه تجاوبني بأبوذيه

    • يحفضني زماني دروس .. ونسه
    وعلى حالي بجت رضعان .. ونسه
    آنه الي جنت للخوان .. ونسه
    صرت مذموم محد يرضه بيه

    • حبيبي العمر يركض ما يتاني
    وانه العطشان منك ماي اتاني
    تعال اليوم باچر ميت اني
    ولو بأخر نفس تلحگ عليه

    • ما ظن حبك يصل بالگلب بسلاك
    ونه حاضر اموت الروح بس لاك
    وان چان تلعب على الحبلين بسلاك
    الي يحب بصدگ ميهاب المنيه


    • حچيت ومحد من اهلي يردني
    شمالك ما تغطي ايدي يردني
    اجيك وبس قدر ربك يردني
    ونموت عله العشگ احنه سويه

    • اليفارگ بحبنه واشي ريته
    وعرفت هذا حبيبي واشريته
    منك الاخذته والشريته
    صلاحيته انتهت تضحك عليه

    • عمري نصه ضيعته ونصبه
    وجيب الحلو كدامي ونصبه
    انه الماصرت ضحكه ونصبه
    نصب وكتي وضحك غصبن عليه

    • احب كل يوم اشوفك و اشتمنك
    واذا تبعد اسبك و اشتمنك
    اسألني شراد گلبي و اشتمنك
    بوسط عيني فلا تبعد عليه

    • حبيبي ما طال الهجر مني ولادم
    عكبك لاكلب عندي ولادم
    قبل ما تنخلق حوه ولادم
    احبك يالغرامك روح اليه
    avatar
    حبيبي الى الابد
    زهرة المنتدى
    زهرة المنتدى

    عدد الرسائل : 31
    العمر : 34
    تاريخ التسجيل : 17/07/2008

    رد: اجمل ابوذيه ( السلسلة الاولى )

    مُساهمة من طرف حبيبي الى الابد في 17/07/08, 07:08 pm

    هاي شنو اتخبل هاي الابوذيات عاشت ايدك وتعبناك يابرنس بس من رخصتك اهديها لحبيبي الي راح ابتعد عنه غصب عني واتمنى يبقى يحبني مثل ماني راح اضل احبه واذكره I love you
    avatar
    Mr.MG
    مشرف اداري
    مشرف اداري

    ذكر
    عدد الرسائل : 102
    العمر : 30
    تاريخ التسجيل : 16/07/2008

    رد: اجمل ابوذيه ( السلسلة الاولى )

    مُساهمة من طرف Mr.MG في 17/07/08, 07:29 pm

    عاشت الايادي اخونه برنس وتسلم
    واحنه انرحب بيك


    _________________




    avatar
    حبيبي الى الابد
    زهرة المنتدى
    زهرة المنتدى

    عدد الرسائل : 31
    العمر : 34
    تاريخ التسجيل : 17/07/2008

    رد: اجمل ابوذيه ( السلسلة الاولى )

    مُساهمة من طرف حبيبي الى الابد في 17/07/08, 07:46 pm

    اكولك اخويه البرنس نشكرك على الابوذيات بس اكو شغله اشو المدير ماله مشاركه؟ Razz Razz Razz Razz Razz Razz Razz Razz Razz Razz Razz Razz

      الوقت/التاريخ الآن هو 12/12/17, 09:47 pm